Награди за најуспешните

Славица Танеска, ученичка во седмо одделение во ОУ “Григор Прличев“, Јулија Митревска ученичка во осмо одделение во ОУ “Григор Прличев“ и Христина Ристеска од ОУ “Кочо Рацин“, се добитнички на првата , втората и третата награда на распишаниот ликовен конкурс од страна на Здружението на граѓани Богојавление. Тие не го криеја задоволството од добивањето на едно вакво признание.

На конкурсот кој го распиша Богојавление уште пред три месеци  биле испратените 60 цртежи од учениците од сите основни училишта во општина Охрид. Ликовниот уметник Славко Упевче, член на комисијата која ги разгледуваше пристигнатите цртежи вели дека не било лесно да се одлучи чии дела се најдобри. Тој додава дека радува податокот што на конкурсот на тема Богојавление- Водици се пријавиле голем број ученици кои со своите твроби го прикажале чинот на фрлањето на крстот во Охридското езеро, а радува и тоа што ликовните педагози во основните училишта ги мотивирале учениците да изработаат голем број ликовни творби.
 
Наградените ученици од страна на здружението добија подароци, како и парични награди во висина од 3000 денари за првонаградениот цртеж и по 2000 денари за второ и третонаградениот. Потпредседателот на Здружението Богојавление, Димитрија Пендов вели дека овие награди се скромни, но сепак се сатисфакција за вложениот труд. Тој ветува дека ова е само почеток и дека догодина на овој конкурс ќе му се пристапи уште посериозно.
Конкурсот ќе прерасне во традиција, а наградите за најуспешните ликовни дела секогаш ќе се доделуваат на Велики Четврток, велат од здружението „Богојавление“.

{loadposition content9}