Надградени сметките на ЈП „Нискоградба“

Охриѓани ги добија првите сметки од новоформираното претпријатие „Ниско градба“. На нив може да се забележи дека покрај ставката за одведување на отпадни води има и втора ставка одведување на атмосферски води. Трошокот за одведување на отпадни води, досега се наплатуваше во сметките на МЈП Проаква во кои на оваа ставка во новите сметки сега стои „0“ денари. Во првите сметки од „Ниско градба“ надоместот за одведување на отпадни води за физички лица изнесува 57 денари, а за правни околу 100 ден.

Неодамна за ТВМ првиот човек на МЈП „Проаква“ Бранислав Трпчевски изјави дека овој надомест е по инсистирање и барање на државниот комунален инспекторат како законска ставка, и дека тоа е само едно мало пореметување во сметките за наплата. Исто така, според Трпчевски, овој паушален надомест е одобрен и изгласан и од страна на советниците на двете општини Охрид и Струга.

 {loadposition content9}