Кандидатот за Градоначалник на Охрид од редовите на ВМРО ДПМНЕ, Митре Милошевски денеска на прес конференција во населбата Радојца Новичиќ презентира делови од изборната програма кои се однесуваат на инфраструктурата и водоводната мрежа во приградските населби.
Граѓаните сакаат промени, граѓаните сакаат дела, а не зборови. Ние сме тие коишто секогаш мислиме за доброто на граѓаните како во градот така и во приградски населби и руралните средини, кажа кандидатот за Градоначалник Митре Милошевски на денешната пресконференција која ја одржа во населбата Радојца Новичиќ.
„Приоритена задача е да ги исчистиме и уредиме речните корита на реките Сушица и на Коселска река во Долно Лакочереј. За учениците современи услови со реконструкција и доуредување на ОУ „Кочо Рацин“. Поставување автобуски постојки за жителите да имаат услови да чекаат на точно одредените локации. Асфалтирање на улиците „Прилепска“, „28 Април“ и на сите споредни улици во Радојца Новичиќ.“- најави Милошевски.
За потребите на жителите во овој дел на Охрид Милошевски кажа дека негова цел ќе биде изградба на повеќенаменско спортско игралиште како и детски игралишта на повеќе локации во неколкуте Урбани заедници. Вети реконструкција на тротоарите на улица „Радојца Новичиќ“ како и поставување улично осветлување, замена на азбесните цефки со нови пластични на водоводната линија.
„Водоводна мрежа и атмосферска канализација на улица „Будва“. Фекална канализација на улица „Железничка“, „Будва“ и „Александар Турунџиев“. Асфалтирање на улици во село Горно Лакочереј и Долно Лакочереј. Овие дела се остварливи и нема да бидат како зборовите што беа зборови на СДСМ. Ветувањата на СДСМ и Констатин Георгиески останаа само празно слово напишано на хартија.“– кажа Милошевски.
Во програмата за убав град инфраструктурните, водоснабдителни и канализациони системски решенија се меѓу првите проекти затоа што се во интерес на граѓаните, како и за почиста и поздрава животна средина, порача Милошевски.
Ти Си Твојот Град
Ти Си Твојот Град