Просторот Мазија остана без Холандскиот парк

Засега нема трага од најавата дека Охрид ќе  добие Холандскиот парк со функционална целина која ќе го симболизира традиционалното македонско –холандско пријателство.  На терен од сработените  градежни зафати  пред 7 месеци е видлива само поплочената патека со црвени бекатон плочки и по некоја светилка. Градоначалникот Петрески признава дека паркот не е целосно завршен. 90 посто од работите за кои била надлежна Локалната самоуправа се завршени, сега се чека на холандската донација. Градоначалникот, сега оптимистички најавува дека со холанандските пријатели  ќе ги продолжат работите штом пукне пролета.

Поголемиот дел од средствата наменети за уредување на паркот се донација на Холандската амбасада во земјава, а дел од Локалната самоуправа. Првично реализацијата на паркот беше најавувана дека ќе се одвива во три фази. Во април, проект-координаторот од локалната самоуправа, Антонио Балески најави дека се предвидува хортикултурно уредената површина да има повеќе содржини. Проектот не значи  само класичен парк туку модерна урбана целина со повеќе целини каде ќе се одржуваат културни настани. Дел од него ќе ја карактеризира холандската култура.

Според Локалната самоуправа и овој парк, покрај спомен обележјето на холандскиот писател, Аден Долаард,  требаше да го зацврсти традиционалното македонско –холандското пријателство, но требаше да биде и еден обид за враќање на холанѓаните на охридското крајбрежје.

 {loadposition content9}