Локалната доделува бесплатни курсеви по англиски, германски јазик и информатика за студенти и невработени

Општина Охрид за учебната 2014/2015 година ќе додели 30 бесплатни курсеви за  англиски јазик, 30 бесплатни курсеви по германски јазик и исто толкав број бесплатни курсеви по информатика на невработени лица и студенти во општината кои живеат во семејства со ниски месечни примања или се социјални случаи.

Право на бесплатен курс по англиски,германски јазик и информатика имаат кандидатите кои се редовни студенти на универзитетите во Македонија или се евидентирани како невработени лица во Агенцијата за вработување.

Заинтересираните кандидати треба да ги пополнат потребните образци  поставени на интернет страната на општина Охрид www.ohrid.gov.mk

Потребните документи кандидатите треба да ги достават најдоцна 15 дена од денот на објавувањето на Конкурсот на адреса: Општина Охрид ул.,, Димитар Влахов“ бр. 57 – Охрид , во затворен коверт со назнака „За Комисијата за спроведување на Конкурсот за бесплатни курсеви по англиски,германски јазик и информатика“ или во Архивата на општина Охрид

Документите на кандидатите кои се некомплетни и ненавремено доставени нема да бидат разгледувани.

{loadposition content9}