Липите потенцијална бомба

Обвинувањата дека се уништува градското зеленило не држат тврди првиот човек на ЈП „Охридски Комуналец“,  Сашо Алчев, по сечата  на 24 липи од дрворедот на улицата Димитар Влахов. Дрворедот ќе се обнови со нови садници од видот јапоникум лигуструм. Стручните лица појаснуваат дека стеблата за две години  ќе формираат крошни и ќе прават сенка како и липите.  Алчев, пак  вели дека на потегот од гимназијата до општинската зграда ќе се засадат нови 44 стебла на зимзелени дрвја. Кореновиот систем на липите правеше оштетување на подземните водови и тротоари, а  дрвјата предизвикуваат и алергии кај граѓаните. 90 посто од исечените дрвја нивните стебла се трули или нападнати од  паразити. Липите при ветар или снег можат да нанесат штета на имотот и животот на охриѓани, смета Алчев.   
Алчев ги  отфрла и нападите на некои екологисти  упатени на адреса на ЈП и Локалната  самоуправа дека се сечат дрвја и се уништуваат белите дробови на градот. Сакаме само да ги информираме граѓаните дека водиме сметка стеблата  на дрворедите низ градските улици да бидат помалку опасни за граѓаните. Алчев нагласува дека е „лицемерие кога се зборува за екологија и сечење на дрвореди, а секаде по планините ЈП кои стопанисуваат со шумите прават голосеци и се уништуваат огромни простори со дрвна маса, а Локалната самоуправа и ЈП Комуналец на овој простор каде се искеоа 24 садници ќе засадат нови 44 садници,
Директорот на ЈП Комуналец, Алчев  цврсто стои на ставот дека липите на сите улици треба да се исечат и да се заменат со нови садници. Тој потенцира дека липите се потенцијална бомба за граѓаните.

{loadposition content9}