Лајонс клубот „Охрид“ ќе избира Топ 10

Лајонс клубот Охрид започна со реализација на својот најнов проект„Топ 10“. Станува збор за проект со кој се опфатени 125 ученици од 5 основни училишта во градов. Со реализација на проектот се отпочна минатиот викенд, кога избраните основци беа тестирани по повеќе предмети:македонски јазик, математика, англиски јазик и информатика. „Вакви тестирања ќе се прават во четири циклуси, за на крај да се изберат најдобрите за кои Лајонс клубот има подготвено богати награди и стипендии“ – вели проектниот менаџер, Драган Спасески – Охридски и додава „Целта ни е да го спречиме одлевањето на „умовите“ од градов, од земјава“

Во своето двегодишно работење Лајонс клубот „Охрид“ има успешно реализирано голем број проекти. Како што потенцираат членовите на овој клуб, и понатаму приоритет ќе имаат децата особено учениците кои имаат капацитет. „За талентираните ученици потребен е само мал, позитивен стимул, кој проектот „Топ 10“ ќе го даде “ – истакнува Павел Попоски, претседателот на Лајонс клубот „Охрид“.

Главната девиза на лајонизмот е „Ние служиме“. Охридските лавови  и понатаму ќе се залагаат да помогнат онаму каде е најпотребно и апелираат до сите кои се во финансиска можност да им помогнат на хуманитарните организации.

{loadposition content9}