Колекторскиот систем ќе се рехабилитира по јапонски терк

Тим од Македонија составен од неколку преставници кои години наназад работат на заштита на Охридското Езеро десет дена беа во Јапонија каде  имаа можност да ги согледаат начините за рехабилитација на цевките на колекторските системи и начинот на којшто се управува со водоводниот систем. Оваа посета е дел од проектот за рехабилитација на колекторскиот систем на Охридското Езеро.

– Она што го видовме на лице место, презентацијата за начинот како ќе се врши рехабилитацијата на системот беше навистина позитивно и апликативно за нашето езеро и неговиот колекторски систем. Најпозитивно е што во Јапонија практично видовме како се спроведува постапката за заштита на водите. Многу е едноставно, но треба виисок степен на професиопнализам. Нема копање, нема застој во сообраќајот што е многу важно за туристички градови како што се Охрид и Струга, изјави  Дејан Пановски од Билатералниот секретаријат за заштита на Охридското Езеро.

Изработка на физибилити студија за реконструкција на колекторскиот систем на Охридското Езеро јапонскитец експерти ја започнаа во мај годинава. Нејзиниот нацрт треба да биде готов во декември , а финалната верзија во март наредната година.. Паралелно со тоа ќе течат и договорите помеѓу владите на Р. Македонија и Јапонија за да се направи финасиската конструкција за реализација на овој голем проект.

–Мислам дека ова што го работиме е од непроценливо значење за заштитата на езерото. Ова е генерациска прилика за рехабилитација на колекторот. Тој ќе се рехабилитира парцијално бидејќи трошоците се многу големи за да се работи одеднаш. Ќе се оди по приоритети. Ќе започнеме опд оние точки кои се најзагрозени, објаснува Паноски.

Инаку, активностите на Јапонската агенција околу рехабилитација на колекторскиот систем на Охридското Езеро се резултат на потпишувањето на договорот за соработка во областа на екологијата помеѓу Владите на Република Македонија и Јапонија.

{loadposition content9}