Како измина најлудата ноќ

Најлудата ноќ во нашиот град помина без поголеми инциденти. Од општата болница и службата за итна помош информираат дека оваа ноќ изминала без поголеми интервенции и проблеми. Немавме никакви поплаки, регистрирани беа неколку повици на кои веднаш беше реагирано, велат оттаму.
Од хируршкото одделение, информираат дека во текот на ноќта биле примени 5-6 лица. Дел од нив со помали повреди, а дел во алкохолизирана состојба. Сепак, потенцираат дека, оваа ноќ била релативно мирна.

И од  СВР Охрид со истиот став. Оттаму интервенирано е во два случаи. Портпаролот Стефан Димоски информира дека во двата случаи станува збор за помали расправии кои завршиле мирно. Исто така, регистрирана е и една сообраќајка. Истата се случила на делот каде улицата „ Абас Емин“ се поврзува со „Туристичка“. Причинета е незначителна материјална штета, а учесник е едно охридско такси. Сепак, оваа ноќ измина во знакот на помали инциденти и може да се каже дека беше релативно мирна, вели Димоски.

Од противпожарната служба информираат дека имало една интервенција околу 2 часот по полноќ на улицата „Абас Емин“, каде се запалил трансформатор, при што е причинета поголема материјална штета. И покрај оваа несреќа, од противпожарната служба велат дека новогодишна ноќ измина релативно мирно.

{loadposition content9}