Извлеченa ждребката за Меморијалниот фудбалски натпревар

Денеска беа извлечени  играчите на двата тима што ќе играат в недела на Меморијалниот фудбалски натпревар  што го организира локалната медиумска заедница од Охрид во спомен на прерано починатите колеги, ДЏ Пантер и ДЏ Бруце од охридското Супер радио, колегата Петар Алексоски од ТВМ и Јован Слатинец-ДЏ Мравка.

Екипата А ја сочинуваат: Јулијан Здравковиќ, Трајко Пројковски, Филип Јовановски, Дарко Левески, Сашо Митан, Жанко Зш Голабоски, Мишел Наумоски, Предраг Савиќ и Сузана Вренцовска.

Екипата Б ќе биде составена од: Јане Стефанов, Тони Ангелески, Горан Момироски, Тони Најдески,Татјана Маленкова, Соња Рилковска, Дарко Димитриевски, Марјан Шуминоски и Александра Ристоска.

Натпреварот кој според најавите ќе прерасне во традиционален, ќе се одржи в недела во спортската сала „Климент Колески“ со почеток во 16 часот.

Целта на овој настан е, вработените во охридските редакции, преку спорт и дружење да се потсетат на колегите и да се подзаборави на некои пресилни зборови или постапки.

{loadposition content9}