Изменет начинот на управување со комуналниот отпад

Прес контењери, спас од црните точки за комунален смет. Вакви контењери поставени се на проблематичните места во градов, кои на ЈП „Охридски Комуналец“, му создаваа големи проблеми. На ваквите локации досега невозможен беше пристап на нашите камиони за подигање на контењерите, вели Сашо Алче, директорот претпријатието. Додава дека поради тоа се одлучиле да го изменат начинот за управување со комунален отпад, така што тие места ги нарекле зелени острови и поставиле прес контењери.

Со цел граѓаните во тој дел на градот да бидат подобро и попрецизно информирани изготвени се и флаери. Алче вели оти многу важно е граѓаните да го прифатат тоа, бидејќи тоа е во нивни интерес. Тој појасна што всушност значат прес контењерите.

Прес контењерите еднаш или двапати во денот ќе ги одржуваат службите на ЈП „Охридски Комуналец“. Директорот најави оти претпријатието е подготвено и на останатите проблематични места во градов да постави прес контењери како би се надминале проблемите со комуналниот отпад.

{loadposition content9}