Излезе најновото издание на списанието „Лице в лице“

Придобивките кои ги носи персонализираната медицина и нејзиното влијание врз квалитетот на животот на пациентот, е фокус на 44. издание на списанието за одржлив развој „Лице в лице“, кое излегува денеска.

Овој број носи перспектива за постигнување реалност во која секој пациент би бил изложен на здравствена грижа скроена според неговите потреби, неговата болест, и посебниот начин на живеење. Можен е вaков свет, велат и експертите и пациентите кои ги изнесоа своите ставови во новото „Лице в лице“.

Излегувањето на бројот е придружено и со старт на кампањата „И јас читам Лице в лице“, во чии рамки јавноста, преку социјалните мрежи, ќе може да проследи серија од видеообраќања на поддржувачи на уличното списание, кои говорат за нивното другарување со „Лице в лице“.