Иван Лотески го фати чесниот крст во Охрид

Иван Лотески беше најсреќен од стотината капачи кои денес запливаа во ладната езерска вода со желба да го фатат Светиот крст. 28-годишниот Иван Лотески светиот крст го фати и минатата година.

Денес на градскиот плоштад имаше неколку илјади граѓани кои го проследија настанот за одбележување на големиот верски празник Богојавление-Водици. Покрај охриѓани имаше и многу домашни, но и странски гости кои воодушевено ги следеја случувањата.

И оваа година манифестацијата Богојавление-Водици во Охрид се покажа како најдобро организирана и повторно во организација на Дебарско- кичевската епархија, а во соработка со локалната самоуправа.

Во организацијата на Богојавление- Водици своја поддршка дадоа и јавните претпријатија, Црвен крст, нуркачкиот центар „Амфора“, како и фаќачите на светиот крст од минатите години. Организацијата помина во најдобар ред без никакви инциденти или поголеми пропусти.