Другарството, љубовта и хуманоста на едно место. Писмо – причина градоначалникот да ја покаже на дело својата хуманост. Имено другарчињата на седмооделенката Маргарита Христовска од селото Велмеј која учи во ОУ во Косел, сакајќи да ја израдуваат заедно со класниот раководител, до градоначалникот испратиле допис во кој од него побарале Локалната да набави компјутер за Христовска која боледува од церебрална парализа. Писмото го испратиле на 3 декември 2009 год на денот на хендикепираните лица. Оваа порака очигледно била испратена на право место во право време. „Формите на помош што ги прави локалната за овие лица се различни. Овој пат се одлучивме за компјутер затоа што сметаме дека на деца на кои им се ограничени движењата , со компјутерот може да се во контакт со целиот свет“, вели градоначалникот Александар Петрески.
Класниот раководител на Христовска, инаку професор по македонски јазик со задоволство проговори за Маргарита, за тоа какво дете е и каков ученик е таа.
Инаку, ова не е прв случај градоначалникот да помогне на некој од оваа категорија наши сограѓани. Неодамна компјутер му врачи и на Даниел Нунески од Пештани, кој покрај хендикепираноста активно се занимава со шаховски спорт,а има голем интерес и за учење.
{loadposition content9}
