ХОЛАНЃАНИ ЗАИНТЕРЕСИРАНИ ЗА СОРАБОТКА СО ОПШТИНА ОХРИД ВО ОБЛАСТА НА СОЦИЈАЛНАТА ПОЛИТИКА

Претседателката на Советот на Општина Охрид, Гордана Коњановска, оствари средба со претставници на Холандската организација АЛЕСКОН, од градот Асен, која е специјализирана во областа на социјалната политика.

Средбата се реализира на големата заложба на Ели Младеновиќ Поцеста, охриѓанка која долги години живее и работи во Холандија.Гостите од Холандија без запознати со социјалните политики на Општина Охрид и проектитие кои општината ги спроведува во оваа област. На средбата се зборуваше за искористување на холандските искуства и нивната примена кај нас, како и заедничко ползување на европските фондови за одредени проекти.

Гостите од Холандија го посетија и дневниот центар “ЗРАЦИ“ и изразија подготвеност да го помогнат центарот во неговите активности. Се очекува во наредниот период засилена кореспондеција на Општина Охрид со АЛЕСКОН и градот Асен и конретизирање на соработката со заеднички проекти.