Новиот градски совет и официјално доби претседател

Д-р Гордана Коњаноска е новиот претседател на Советот на општина Охрид. Со 15 гласа за, 6 воздржани и без ниту еден против оваа одлука беше донесена на денешното продолжение на конститутивната седница на Советот на општина Охрид. Новиот претседател на Советот истакна дека одговорно ќе ја извршува функцијата и дека ќе работи во интерес на граѓаните. Коњаноска подвлече дека сите заедно ќе трба да се справуваат со предизвиците кои ќе доаѓаат во наредниот период. Таа рече дека доследно ќе ги почитува законските прописи.

Коњаноска посака одлуките кои ќе се носат во иднина да бидат во интерес на градот па после четири години Охрид да биде поубав и поразвиен во сите сфери на живеењето. Томислав Тунтев, координаторот на советничката група на сојузот на иднината рече дека тие ќе бидат конструктивна опозиција која активно ќе учествува во донесувањето на одлуките кои ја тангираат општината.

Тунтев рече дека во првите сто дена од мандатот на градоначалникот тие нема да ги критикуваат неговите одлуки, ниту одлуките на советот, но после тоа ќе следуваат жестоки расправии и дискусии.

{loadposition content9}