ЈП „Градски пазар“ даде отчет

Отчет даде и ЈП „Градски пазар“. Директорот Тони Коталески денес пред новинарите зборуваше за се она што е сработено во изминатите две години. Започна како што рече со најзначајниот и најкапитален проект, а тоа е изградбата на нов затворен зелен пазар. Уште еднаш потенцира дека е избран приватен партнер односно изведувач и рече дека изградбата на пазарот ќе започне наскоро. На прашањето каде привремено ќе биде сместен пазарот додека траат градежните работи не даде конкретен одговор.

Сеуште не знаеме каде привремено ќе биде сместен градскиот пазар додека се гради новиот современ зелен пазар. Во опција се неколку локации, но сеуште размислуваме која ќе биде најдобрата и за продавачите и за купувачите, вели Коталески.

Директорот на ова јавно претпријатие се пофали дека во изминатите две години ја подобриле неговата финанасиска состојба, вратиле поголем дел од долговите и ги намалиле расходите. ЗАдоволен е и од функционирањето на неодамна отворениот Авто пазар.

Задоволни сме од работењето, остваруваме приходи, и истиот не генерира расходи, а ги користиме постојните ресурси, човечки и материјални за негово работење. Потребно е подолго време за граѓаните да се навикнат на посета на Автопазарот, во чиј склоп работи и пазар за продажба на половни автоделови. Работиме на промоција на истиот, вели Коталески.

Коталески како успех на претпријатието го спомна и отварањето на пазар на големо, обезбедување на просторија за продажба на сирење и јајца, поставувањето пристапни рампи за лицата со хендикеп, отварањето на ВЕБ страна и учеството во групацијата на зелени пазари. Во моментов работат на повеќе проекти како што се отварање на мини пазари за земјоделски производи, пред се во летниот период, отварањецветен пазар и современи цвеќери,  отварање автоперална миење и одржување на возила и промовирање на пазарот како традиционално туристичко место.

{loadposition content9}