Градоначалникот на Дебрца ги слушна маките на жителите од Горенци

На средбата во с.Горенци Градоначалникот Игор Трајкоски  ги запозна  жителите со проектот за изградба на фекална канализација  во с.Горенци.

На присутните жители им беше образложена трасата каде ќе поминува  канализационата мрежа.Изградбата на фекалната канализација ќе биде во  должина од 8 500 метри,а цевките ќе се поставуваат на длабочина  од 2 до 4 метри и истата  ќе  биде приклучена на главниот колектор Мешеишта кој е во фаза на реализација.

Овој голем зафат ќе чини 19 милиони денари кои ќе бидат обезбедени преку ИПАРД програмата за што Агенцијата за финансиска поддршка во земојоделието и руралниот развој објави повик каде што може да аплицираат општините со цел подобрување на животниот стандард во селата истакна градоначалникот на општина Дебрца Игор Трајкоски. Со реализација на овој проект ќе се надминат проблемите со одведување на фекалните води.Задоволството на жителите беше очигледно бидејќи конечно ќе им се реши долгогодишниот проблем со фекална канализација.