ГФК Охрид Лихнидос во сабота ќе ја пречека екипата на ФК Вардар

Во сабота на 19-ти февруари, фудбалерите на ГФК Охрид Лихнидос ќе ја пречекаат екипата на ФК Вардар во рамки на 16-тото коло од Втората македонска фудбалска лига-Запад.

Ова ќе биде прв натпревар за охридските фудбалери во пролетниот дел од сезоната, а вљубениците во фудбалот со нетрпение ја очекуваат дерби средбата. Се мобилизираат и навивачите „Рибари“, а се очекува присуството и на „Комити“.

Натпреварот ќе се одигра на Градскиот стадион „Билјанини извори“ со почеток во 14 часот.