И покрај студеното време и ниските температури, фудбалерите на Воска Спорт од Охрид ги започнаа подготовките за пролетната сезона од Втората македонска фудбалска лига-Запад.
По пауза од повеќе од 3 недели, екипата на Воска Спорт се врати на фудбалските терени, за да продолжи со подготовките за пролетната сезона, каде што имаме намера да испишеме историја, барајќи едно место во Првата лига. На првата сесија на тренерот Раде Цицмиловиќ беа присутни сите играчи, вклучувајќи ги и новите трансфери, Аљтин Лога, Арџент Гафури, Дарко Размоски и Дејан Силјановски, од кои се очекува дополнително да ја зголемат конкуренцијата и квалитетот во нашиот тим – велат од фудбалскиот клуб.
Сите играчи, пред да излезат на зелениот терен, направија Ковид тест, како и вообичаените контроли од персоналот на тимските лекари, кои открија дека се е во ред со сите играчи, кои ги чекаа мачна подготвителна фаза, се со цел да плодовите се обработуваат на пролет, кога ќе се одиграат првенствените натпревари.
Сепак, однапред тимот ќе има неколку контролни натпревари за кои навремено ќе ве информираме – додаваат од Воска Спорт.
Останати Вести
Ти Си Твојот Град
Ти Си Твојот Град
Science
Get the App
Get the App