„Достоинство“ се поклона пред споменикот на Св. Кирил и Методиј

Дел од членството на Достоинство се поклона пред споменикот на Светите Кирил и Методи. „Нас како партија главна задача ни е одбраната на македонските национални достоинства, бидејќи македонскиот народ е загрозен од сите страни, поточно тоа е името, идентитетот, историјата и територијата“, истакна претседателот на Достоинство Стојанче Ангелов.

Ангелов реагираше и на досегашниот тек на кампањата која ја водат двете нејголеми политички партии кои како што кажа за патувачкиот циркус кој го прават, фрлаат огромни средства. Претседаелот на Достоинство проговори и за притисоците кои ги трпат кандидатите за пратеници од оваа партија, но и нивните семејства.

На денешната средба со новинарите се претстави и носителот на листата за 5 тата изборна единица Сашо Гилески, заменик командир во конфликтот во 2001 год.

Политичката партија Достоинство има голема подршка и од дел од македонскио бизнис сектор. Еден од бизнисмените кој цврсто застана зад нив, е Ристо  Гуштеров.

„Сите сме сплотени рамо до рамо заеднички во борбата за спас на Р. Mакедонија. Достоинство ја бранеше Mакедонија во 2001 година но и сега ја брани и сега треба да ја одбрани. Тоа е основната причина, вербата во Македонија и македонскиот народ.“-Ристо Гуштеров – носител на листа на кандидати за пратеници од Достоинство.

Од Достоинство се категорични дека оваа нова партија ќе ги придобие граѓаните со нивната чесност и искреност.  Тие велат „Во годиниве кои се зад нас, докажавме дека знаеме да си ја зачуваме честа, затоа што не подлегнавме на притисоците“.

{loadposition content9}