Дополнителна дезинфекција и дератизација во некои од охридските училишта

Хигиената е приоритет во Охридското основно училиште “Григор Прличев “ и во подрачните установи.

Викендов беше работен за службите во некои од училиштата во Охрид. Тоалетите во двете згради во централното училиште “Григор Прличев” и во подрачното училиште во населбата Рача темелно се чистеа со специјални средства и машини.

Во таа насока менаџментот на училиштето се стреми постојано да им овозможи здрав престој на учениците во капацитетите и можностите кои ни се дадени.

2020 година уште од јануари зпочна со заштитни мерки од вируси и сезонски грип:

Извршена е дополнителна дезинфекција и дератизација.

Исклучиво се користат хигиенски средства кои не се штетни за учениците и вработените, а имаат високо дезинфекциско дејство.

Секоја училница засилено се снабдува со гел за дезинфекција на раце и антибактериски сапун.

Од училиштето апелираат до сите вработени и родители постојано да им укажуваат на децата и на училиште и дома да ги следат препораките од Светската здравствена организација според која задолжително е :

Миење на раце пред и по оброк.

Фрлање на отпадок исклучиво во кантите за отпадоци.

Постојано проветрување на просториите и училниците.