Донација ОД ФФМ за ЈП „Билјанини извори“

ЈП Билјанини Извори во текот на вчерашниот ден прими донација од Фудбалска федерација на Македонија и на таков начин ги продолжи активностите за реконструкција и обнова на инфраструктурата на Спортско рекреативниот центар „Билјанини Извори“.

Станува збор за донација на 1700 нови столчиња кои се наменети за замена на искршените и стари столчиња на трибината на Градскиот стадион „Билјанини Извори“.

Со реконструкцијата на сооблекувалните и сега со обезбедувањето на нови столчиња ЈП „Билјанини Извори“ продолжува да се ангажира во насока на подобрување на условите за спортските екипи и рекреативци корисници на спортска инфраструктура.