Охридскиот Црвен крст, како едно од своите приоритетни заложби го има ширењето на знаењата и вештините за укажување на прва помош со цел тие да бидат достапни за сите, како хуманитарен акт кој ги овластува луѓето да спасуваат животи и да помогнат во закрепнување од нагло настанати заболувања или повреди.
Поседувањето на вештини за укажување на прва помош ги зголемува индивидуалните капацитите на секој човек за преземеање на брза акција со цел намалување или стабилизирање на сериозни повреди и ги зголемува шансите за преживување на повредениот. И оваа година со посебно внимание се фокусираме на одбележувањето на овогодинешниот Светски Ден за Прва помош, ден за промовирање на знаењата и вештините за првата помош, за придонес во промените за проширување и подобрување на обуките за првата помош како хуманитарен чин и клучна компонента за еден посовремен и поширок пристап – потенцираат од Црвен крст Охрид.
Додаваат дека темата на Светскиот ден за Прва помош е „Првата помош спасува живот“.
Во тие рамки Црвен крст Охрид ќе го одбележи Светскиот ден на првата помош во четврток, на 16-ти септември 2021 година на Градскиот плоштад „Св. Климент Охридски“ во Охрид, каде во периодот од 14:00 до 15:00 часот, тимовите за прва помош на Црвен крст Охрид ќе презентираат знаења и техники за укажување прва помош при различни повреди – додаваат од Црвен крст Охрид.
