Климент Довлев од населбата Кошишта го фати бурето со црвено вино

Традиционално како и изминативе години, денес на „Денот на рибарите“ се фрлаа петте буриња со вино. Од нив, само едно беше полно со црвено вино, а оној кој го фати ова буре, доби Божји благослов и дарови од здружението „Богојавление“.
Оние кои скокаа по бурињата, најпрво запалија свеќи за здравје, а од црква заедно со црковните симболи се упатија на пристаниште. Денешниот ден донесе  радост за Климент Довлев од населбата Кошишта.

Скокам веќе четврти пат по бурето со вино и еве годинава ми се посреки. Сега виното ќе го поделам со другарите и заедно ќе го пиеме и ќе славиме, рече најсреќниот меѓу фаќачите на бурињата со воно.

Оние кои ќе ги фатат бурињата со вино ги добиваат  за нив, да си се почестат, а оној што ќе го фати бурето со црвено вино, добива реплика на крстот со кој што се осветуваше езерската вода. Пред неколку години се добиваше и златник со симболите на здружението „Богојавление“, но оваа година златникот изостана.
Присутните на овој настан ги поздрави и градoначалникот на Охрид Никола Бакрачески кој рече дека сите уживале во деновите кога се слават охридските традиции.

Сакам да ви го честитам големиот христијански празник Свети Јован – Крстител и посакувам да бидете сите благословени од бога и нека вашите срца се исполнат со добра мисла, позитивна енергија, господ нека ви даде здравје вам и на вашите семејства и посакувам оваа година да биде плодназа вас и за градот Охрид, рече градоначалникот.

И ова година на денот на рибарите голем број охриѓани беа присутни да го проследат фрлањето на бурињата настан кој прераснува во традиција.

{loadposition content9}