Ќе се реши ли проблемот со бучавоста во градов

Инспекторите од општинскио инспекторат заедно со службите од СВР деновиве интензивно работат на изготвување на акционен план за справување со бучавоста. Според планот ова лето ќе има многу позачестени контроли и акции бидејќи минатите лета бучавата беше проблем број еден во градов за кој не се најде соодветно решение. Надлежните ветуваат секојдневно мерење и на бучавоста која доаѓа од објектите на брегот на езерото кои во летната сезона приредуваат разно разни концерти на отворено. Граѓаните , посебно оние од стариот дел на градот години наназад реагираа, собираа потписи, но ништо не вроди со плод. Од општинскиот инспекторат тврдат дека ова лето нема никому да се прогледа низ прсти. За сите оние кои нема да ги почитуваат законските одредби ќе следуваат ригорозни казни во висина од 3000 до 7000 евра.

{loadposition content9}