Бесплатен паркинг за Велигден

ЈП Билјанини Извори по повод големиот христијански празник Велигден донесе одлука на ден 08. 04. 2018 година (недела) користењето на услугите на јавниот градски простор со кој стопанисува да биде бесплатно за сите нејзини корисници.

„Одлуката ја носиме во духот на големиот христијански празник и се надеваме дека со овој наш скромен гест ќе се приклучиме кон промовирањето на христијанските вредности како дел од славењето на самиот празник“- велат од јавното претпријатие.

ЈП Билјанини Извори им го честита празникот на сите граѓани на Охрид, Република Македонија и иселеници од православна вероисповед.