Автентични фотографии од победата над фашизмот

Победата над фашизмот, доловена преку триесеттина автентични фотографии од Втората светска војна. Во Центарот за култура „Григор Прличев“ во Охрид беше отворена изложбата по повод 9 мај, Денот на победата над фашизмот. Организатори на овај настан беа Амбасадата на Руската федерација во Република Македонија, Почесниот конзулат на Руската федерација во Охрид и Општина Охрид.

Пораката која што ја праќа оваа изложба е дека не треба да го заборавиме 9ти мај и тоа што нашите минати генерации и претходници го вградиле за тоа што денес го имаме и треба да го чуваме и негуваме, рече почесниот конзул на Руската федерација во Охрид, проф. Д-р Велимир Стојковски.

Преку 30 фотографии е преставен денот на ослободувањето на различни градови низ Европа, во кои учествувала и руската армија. 9 мај како Ден на победата над фашизмот се прославува во целиот свет. Тоа е еден голем ден бидејќи е извојувана една од најкрвавите битки можеби воопшто во историјата на човештвото,рече градоначалникот Никола Бакрачески.

Гордост е што бевме дел од антифашистичката борба кога беше пролеана многу крв за да се дојде до долго посакуваната слобода, а со тоа да стигнеме и до независноста на нашата земја. Беше остварен вековниот сон на нашите предци која беше заокружена со одржување на референдим преку кој дојдовме до самостојна и суверена држава, рече градоначалникот Никола Бакрачески.

Изложбата беше посетена и од најмладите кои можеа да ги погледнат фотографиите и да добијат повеќе информации за безусловната капитулација на Третиот Рајх потпишана во разурнатиот Берлин, само неколку минути по полноќ, на 9 мај.