Армијата на Република Македонија, поблиску до охриѓани

Армијата на Република синоќа барем за момент беше поблиску и до Охриѓани. Станува збор за реализација на само еден дел од проектот „ АРМ поблиску до граѓаните“, преку кој Министерството за одбрана и АРМ ќе се обидат преку музиката на воениот оркестар на АРМ, како и демонстрациите на методско-показни вежби на Градискиот батаљон, да се доближат до цивилното население. Самиот настан започна со дефиле по Охридската чаршија, на воодушевување на охриѓани и големиот број туристи, за да продолжи на Плоштадот „Крушевска република“, со едночасовен концерт.

Покрај изведбата на дела од класичната музика, на концерот охриѓани и туристите имаа можност да уживаат во музичките аранжмани на современите дела на македонската и странската популарна музика. Сашо Стефановски -Државниот секретар во Министерството за одбрана, истакна дека ваквиот начин на  доближување на живеењето во АРМ до граѓаните се покажа како многу добар во зајакнување на цивилно-воената соработка и во градовите во кои АРМ нема гарнизони. Стефаноски задоволен од интересот на граѓаните.

„Се разбира интересот е огромен, луѓето пред се се изненадени дека АРМ, прво изгледа вака како што изгледа, новите униформи на гардискиот батаљон се прекрасни, а воениот оркестар изведува, прекрасно македонски традиционални но и современи песни така што граѓаните со големо воодушевување го примаат овој настан и гледаме дека навистина сме ја постигнале целта, да граѓаните што е можно повеќе бидат запознаени со АРМ“ изјави Стефановски.

Покрај Прилеп, Струга и Охрид, проектот „АРМ поблиску до граѓаните“ ќе продолжи  и во останатите градови од нашата земја се до крајот на годината, кога се планира Воениот оркестар на АРМ , во Скопје, да одржи еден голем концерт од отворен карактер, за кој од Министерството за одбрана се надеваат дека ќе прерасне во една убава традиција.

{loadposition content9}