Американска компанија ќе инвестира во Охрид

Американска компанија од областа на автомобилизмот ќе отвори погон во Охрид. Станува збор за компанија која се занимава со производство на авто делови и која има повеќе фабрики во Европа. Ова денес го најави вицепремиерот Зоран Ставрески при неговата работна посета на Охрид. Тој додаде дека на крајот на наредната недела Владата ќе усвои одлука за потпишување меморандум за соработка со американска компанија.
Во првата фаза планирано е да се вработат 600 лица, а во втората фаза бројот на вработени ќе се зголеми за 1200. „Ова е значајна инвестиција за Охрид и  за Македонија, рече Ставрески бидејќи на ваков начин ќе се  намали бројот на невработени во државава“.

Инаку американската компанија во Охрид планира да произведува воздушни перничиња и сигурносни појаси за извоз во вредност од 100-200 милиони евра годишно.
Вицепремиерот Ставрески денес се сретна и со раководството на ЕМО каде се разговараше за изнаоѓање стратешки партнер за компанијата. Вицепремиерот ги  посети и „Охридска банка“ и фирмата Словин ТЕМ – ХЕМ.