АК „Охрид Трчат“ со низа успеси на Националното првенство во Куманово

Во организација на Атлетска Федерација на Македонија изминатиот викенд во Куманово се одржа Националното првенство за Млади пионери/ки, генерација 2008-2013. Натпреварот се одржа на 09.10. (сабота) и на истиот Атлетскиот Клуб “Охрид трчаТ” учествуваше со вкупно 32 атлетичари. После одржувањето на натпреварот се одржа и традиционалниот атлетски натпревар по повод националниот празник 11-ти октомври, Атлетски Митинг “11-ти октомври” во организација на Атлетски Клуб “Куманово” на кој АК “Охрид трчаТ” учествуваше со еден свој атлетичар.

На првенството за млади пионери АК “Охрид трчаТ” ги постигна следните позабележителни резултати:

60м. жени – 2-ро место Јана Димоска , време 8,58сек;
Скок во височина жени – 3-то место Тамара Чолеска, 110цм;
Скок во далечина жени – 1-во место Јана Димоска, 3,76м;
Ѓуле жени – 2-ро место Сара Спасеска, 5,98м ;
Ѓуле жени – 3-то место Сара Петреска 5,64м ;
Штафета 4х50м жени – (неофицијално 1-во место, се чека официјална потрврда на резултатот од страна на АФМ)

После завршување на првенството се одржа горенаведениот атлетски митинг на кој нашиот учесник Владимир Пердулоски ги постигна следните резултати:

60м. мажи – 1-во место Владимир Пердулоски, време 7.11сек ;
Скок во далечина мажи- 3-то место Владимир Пердулоски, 5,42м;
Резултатите на Владимир Пердулоски дополнително беа наградени со пехар како најзабележителни резултати на митингот постигнати во машка конкуренција.