658 пациенти позитивни и сомнителни на коронавирусот се лекуваат на инфективните оддели во болниците низ земјава

Моменталниот број на пациенти позитивни и сомнителни на коронавирусот кои се лекуваат на инфективните оддели во главниот град и во болниците низ земјава е 658 и има околу 415 празни болнички кревети во ковид-центрите, соопшти Министерството за здравство.

Од нив, 254 се во Скопје, каде што во изминатите 24 часа се примени 27 нови пациенти поради компликации од коронавирусот. Најмногу од примените во Скопје се на интерните клиники – 10, потоа во ковид-центарот во ГОБ „8 Септември“ – 9, три на Инфективната клиника и во Козле биле примени 5 пациенти.

Во изминатите 24 часа, во ковид-центрите во болниците низ земјава е пријавено дека се лекуваат вкупно 404 пациенти позитивни и сомнителни на коронавирусот. Во тек на денот се прават и исписи на оздравени пациенти, со што ќе се ослободат дополнителни легла.