Културолошката иницијатива „ 5 до 12“ во акција за донирање на компјутери

Стотици деца особено од многудетните семејства во Охрид  и околината се соочуваат со недостиг на компјутери. Сите тие имаат потешкотии за учење од далечина.

Затоа младите охриѓани покренаа акција за донирање на компјутери  за социјално ранливите категории. Културолошката иницијатива  „ 5 до 12“  започна со собирање на користени електронски уреди ,  кои ќе се донираат  на учениците кои немаат  можности да следат онлајн настава.
 

„ Да се соберат што повеќе  и да се помогне приоритетно онаму каде што е  најпотребно бидејки има семејства со неколку деца каде ниедно дете нема лап топ  или компјутер социјално зарозени случаи така што се надеваме дека ќе има добар одзив и инавистина ќе помогнеме  каде што треба да се помогне“, вели Јован Цветкоски тим лидер на иницијативата „5 до 12“.

Интересот за донирање од страна на граѓаните е голем, но ќе се бара поддршка и од големите компании во градот кои работат со електорника. Старите  компјутери ќе се ставаат во функција  и со помош на Црвен крст ќе се делат  на оние ученици на кои им се најпотребни.

„Планираме да исконтактираме заедно со Црвен крст и со директорите , професорите и класните раководители на училиштата бидејќи тие најдобро знаат на кого му е приоритетно најпотребно и оние кои нас приватно  не` контактираат и ќе ни кажат каква им е ситуацијата. Планираме да биде фер кон сите“ , додава Цветкоски.
Општина Охрид пред почетокот на учебната година  донираше 50 таблет компјутери за социјално загрозените семејства во Охрид.