28 дена од месец февруари со 28 ретки дијагнози

Во месецот со најмалку дена во годината, во месецот кој пациентите со ретки болести го викаат „свој“, месецот кој е редок по своите ретки 28 или 29 дена, од здружението „Живот со предизвици“ ќе се обидат да ја запознаат јавноста со ретките болести во Република Македонија.

Ќе се направи обид да се осознаат предизвиците и проблемите со кои се соочуваат лицата кои страдаат од овие заболувања, како и нивните семејства. Како ја добиваат дијагнозата? Дали има некаков лек? Колку и дали воошто се пристапни и достапни лековите?

Лолеска Гордана и „Живот со предизвици“ овој февруари ќе се обидат да не запознаат со ретките болести во Република Македонија со надеж дека преку овие 28 ретки дијагнози сите заедно ќе научиме нешто повеќе.