Почина 11 годишниот Илче од Охрид

Синоќа починал 11годишниот Илче од Охрид  во Специјаниот завод  Демир Капија каде од скоро беше штитеник. Момчето кое имаше ретка дијагноза, беше згрижено во семеен дом пред еден месец, откако претходно било пронајдено како целосно запуштено живее само во исклучително лоши услови во Охрид.

Од Министерството за труд и социјална политика велат дека детето починало ненадејно.
„Со жалење информираме дека единаесетгодишниот И.В. синоќа ненадејно почина во Групниот дом при Специјалниот завод Демир Капија, во село Корешница, Општина Демир Капија. Детето беше примено во Групниот дом на 7 август оваа година. Неговата здравствена состојба изминатиов период беше стабилна и постојано беше под надзор на стручни лица. Смртта синоќа настапила ненадејно.“– велат од Министерството.

Основното јавно обвинителство Кавадарци во координација со увидна екипа од Министерството за внатрешни работи, извршија увид во семејна единица во село Корешница, Демир Капија, каде синоќа починало детето.  Јавниот обвинител издал наредба за обдукција на телото на починатото дете, во насока на откривање на причините за настанатата смрт.