Подароци и позитивна енергија за дечињата во болницата „Св. Еразмо“

Во Специјалната болница за ортопедија и трауматологија “Св. Еразмо” во рамки на одделението за детска ортопедија функционира оддел , единствен од таков вид во Македонија, за рехабилитација на деца со рани пречки во развојот.

За празникот Св Никола, посветен на светецот кој во христијанството важи за заштитник на морепловците но и на децата, женскиот Лајонс клуб „Деница“ ги посети дечињата во овој болнички оддел.

Со дружење и новогодишни пакетчиња дениците се обидоа барем на кратко да им го разубават секојдневието на децата кои престојуваат таму. Во тоа помогнаа и  ученичките од ОМУ „Методи Патче“ кои со својот настап внесоа позитивна енергија и измамија насмевки на овој детски оддел. Дениците и малите музичари на дечињата им посакаа добро здравје и среќа во новата 2016 година.