Охридскиот центар за култура има потреба од нови простории

ЦК Григор Прличев има потреба од проширување на постоечките капацитети. Уште пред две години од центарот испратиле барање и идејно решение за решавање на оваа потреба до Министерството за култура.  Поголемото  просторно решение  произлегува од зголемените активности во центарот за култура и формирањето на охридскиот театар, информира директорката  на Центарот Драгана Боцевска. Неопходно е  да се осовременат и подобрат условите во кои работиме, додава Боцевска.

„Се јавува потреба од негово проширување или надградување. Првична беше идејата за надградба, има и проект и  наидовме на позитивен одговор дека потребата е оправдана. Чекаме како ќе се довиваат работите. Дали ќе има надградба, проширување или пак нов објект зависи од министерството и владата“, напоменува Боцевска.
Од центарот предложиле и идејно решение за приоритетните потреби. Боцевска  набројува потреба од помала  кино сала, простор за галерија како и сала наменета само за театарот. Како посебен проблем во зимските месеци Боцевска го посочува загревањето на објектот иако вели добиваат средства од министерството за греење.

„Тој дел е и поголем зафат за да се среди и да се направи поекономично греењето. За огромните тавани за да се загрее  центарот  треба поинаку да се осмисли тој систем за греење. Некогаш и средствата за тој објект за загреење можеби биле поефтини, но денес е премногу скапо загревањето“, напоменува Боцевска.

Боцевска кажува дека во грејна сезона за затоплување на  Центарот за култура им се потребни 10 тони нафта. Со голема економичност центарот месечно  троши  3 тони нафта, а дополнителен финансиски издаток им е и потрошувачката на електрична струја која ја плаќаат по индустриска тарифа, вели Боцеска.
За решавање на  просторниот проблем на Центарот за култура Григор Прличев на потег се ресорното министерство и владата.

{loadposition content9}