Кирил утре оди на лекување во Турција, трошоците ги плаќа ФЗОМ

ФЗОМ по поднесеното барање за лекување во странство на 11 месечниот Кирил Митревски го одобри тоа барање за лекување и во целост ќе го покрие финансискиот трошок за оперативниот зафат. Операцијата ќе му биде направена на малиот Кирил, во договор со родителите, во Турција. Република Македонија во целост ќе го покрие третманот во овој случаj, информира директорот на ФЗОМ, Сашо Стефановски.

„Јас како охриѓанец сум исклучително горд на моите сограѓани кои во изминативе неколку денови покажаа несебична поддршка и својот хуман карактер се со цел да спасат еден млад живот. Јас лично му посакувам на Кирил што побрзо оздравување и среќно детство. “ – изјави за ТВМ Стефановски.

Како држава направивме се за да го обезбедиме потребното лекување, да го покриеме во целост финансискиот трошок од 45 000 долари за интервенцијата во Република Турција- додаде директорот на ФЗОМ.