Најпознатиот македонски фестивал „Охридско лето“ ќе ја претстави програмата за новото – 56-то по ред издание.
Најпознатиот македонски фестивал „Охридско лето“ ќе ја претстави програмата за новото – 56-то по ред издание.
Програмата ќе биде официјално претставена утре на прес конференција на која ќе присуствуваат: министерката за култура Елизабета Канческа – Милевска, директорот на „Охридско лето“ Оливер Арсовски и селекторите на уметничката програма Гордана Јосифова – Неделковска и Ѓорѓи Јолевски.
Директорот на фестивалот Арсовски по именувањето најави дека и годинава публиката ќе има можност да види и слушне некои од врвните имиња од светот на класичната музика. За во иднина Арсовски има идеи и планови, но објаснува дека нема да експериментира со една институција која наметна високи стандарди. Новитетите ќе бидат конструктивни и во насока на „зачинување“ пред се’ во делот на off-програмата.
– Има неколку врвни оперски светски имиња, кои би сакал во иднина да ги доведам да настапуваат на фестивалот. И мислам дека ќе успеам во тоа. Веќе воспоставив првични контакти. Инаку, би сакал да внесам мали промени и да ја заживеам малку повеќе off – програмата, во смисла на тоа да донесеме популарни музички групи, бендови и слично. Во однос на менаџирањето на установата, на досегашната директорка, со која и официјално ќе се сретнам, би сакал да и’ се заблагодарам за професионализмот, одличната работа и тоа што го остави фестивалот „Охридско лето“ на здрави финансиски нозе, напомена неодамна Арсовски.
Според новиот директор на фестивалот, ќе се посвети внимание и на регулирањето на концентрацијата на продажните места на билети за настаните на „Охридско лето“. Посебен продажен центар на влезници ќе фукционира и во Скопје, покрај Охрид.
Оливер Арсовски е избран за нов директор на фестивалот „Охридско лето“, на местото на досегашната директорка Елизабета Јанкуловска, на која и’ заврши четиригодишниот мандат.
Ти Си Твојот Град
Ти Си Твојот Град