Во четврток охридските советници повторно ќе расправаат

Овој четврток, свикана е педесет и четвртата седница на Советот на општина Охрид на ден 26.05.2016 година (четврток) со почеток во 11,00 часот.

Седницата ќе се одржи во зградата на општина Охрид, а една од точките за кои охридските советници ќе расправаат овој пат, покрај донесување предлог одлуки за учетво во неколку проекти е и предлог Одлуката за исплата на долгот на ОУ„Григор Прличев“Охрид кон ЕВН Македонија за потрошена електрична енергија.

Покрај овие содржини на дневниот ред на оваа седница ќе се најдат и повеќе од седумдесет прелог одлуки за утврдување потреба од донесување урбанистичко планска документација со цел вклопување на бесправно изградени објекти.