Во тек е првиот уписен рок на петте факултети на УИНТ „Св Апостол Павле“ во Охрид

Можностите кои им ги нуди УИНТ „Св. Апостол Павле“, на идните студенти, се покажаа како вистински магнет за нив, токму на неккој од петте факултети од овој универзитет, тие да го продолжат своето формално образование.

„За ISVM, па уште како мал се интересирав а мултимедија и дизајн, поблиску ми беше факултетов па заради тоа. Општо е за секакви дизајни, веб дизајн, Синема 4д, Фотошоп, такви области и анимации.

„Носи голем просперитет и нови предизвици во мојов живот, можам да кажам дека е блиску, си останав во мојот роден град, и многу голема чест ми е што се запишав на овој факултет. Ја одбрав програмата 3Е, тоа е е бизнис како водечка дејност и тука може да дојде до израз креативноста што можам да кажам дека е моја силна страна“ велат апликантите.

Од Универзитетот за информатички науки и технологии „Свети Апостол Павле“ Охрид информираат дека на вториот ден од првиот уписен рок до 12 часот за 400 места на 5 факултети се пријавиле 78 студенти.

Најголем интерес за запишување има на Факултетот за компјутерски науки и инженерство каде веќе е исполнета државната квота. Зголемен интерес има и за запишување на студиската програма „Е-влада, Е-бизнис, Е-култура“ каде исто така очекуваат да се потполни квотата за упис. Покрај овие програми идните студенти можат да ги изберат уште и студиските програми на факултетот за ПРИМЕНЕТИ ИНФОРМАТИЧКИ ТЕХНОЛОГИИ, и МАШИНСКА ИНТЕЛЕГЕНЦИЈА И РОБОТИКА и ФАКУЛТЕТОТ ЗА ИНФОРМАТИЧКИ СИСТЕМИ, ВИЗУЕЛИЗАЦИЈА, ДИГИТАЛНА МУЛТИМЕДИЈАЛНА И АНИМАЦИСКА ТЕХНИКА.

За сите оние кои нема да успеат да се запишат во овој уписен рок, вториот уписен рок е предвиден за 1 септември додека третитот за 14.9.2016 година.