А.Д „ГАЛЕБ“ со нови линии

Еден од најстарите автопревозници, А.Д. „Галеб“, воведува нови линии за Албанија, Црна Гора и Србија.

А.Д. Галеб воведува нови линии кон Саранда и Ксамил, Република Албанија почнувајќи од денес секој втор ден, а кон Валона и Драч од 16.06.2016 секој втор ден.

Од 01.07.2016 година стартува новата линија Охрид – Нови Сад која ќе се одржува секој ден. Поаѓањето е од Охрид во 12:00 часот. Од Нови Сад тргнувањето е во 08:30 часот.

За Валона стартува летниот режим на линијата која ќе се одржува секој втор ден.

АД ГАЛЕБ воведува автобуска линија за црногорското приморје почнувајќи од 20.06.2016 година и тоа секој втор ден со поаѓање од Охрид во 22:30 часот. Почнувајќи од 01.07.2016 година се воведува автобуска линија за Тирана.