Координација во Собрание за локалните избори во понеделник

Претседателот на собранието Талат Џафери за понеделник закажа координативна средба меѓу претставниците на сите парламентарни партии.

Се очекува една од темите на разговор меѓу координаторите да биде и датумот за локалните избори, а доколку биде постигнат договор можно е тој веднаш да биде ставен во процедура.

Мандатот на градоначалниците на општините и на општинските совети истекува во понеделник на 15 мај, а Џафери вчера ги повика политичките партии итно да разговараат за оваа проблематика за да не се случи блокада на општините.