Горивата од полноќ поевтинуваат

Бензините од ноќеска на полноќ ќе поевтинат за 0,5, а дизелот за еден денар, одлучи денеска Регулаторната комисија за енергетика.

Литар ЕУРОСУПЕР БС-95 ќе се продава за 61, а ЕУРОСУПЕР БС-98 за 63 денари.

Новата цена на ЕУРОДИЗЕЛ ќе изнесува 42,50 денари, a Екстра лесното масло за домаќинство поевтинува за 0,5 денари и ќе чини 31,5 денари за литар.

Цената на мазутот М-1 НС се намалува за 0,645 денари за килограм и ќе изнесува 15,324 денари.

Регулаторната комисија за енергетика ја утврди новата цена на горивата врз основа на движењата на цената на суровата нафта на светскиот пазар и курсот на денарот во однос на доларот во изминатите 14 дена.