Дизелот поевтинува, бензините со непроменети цени

Во просек, малопродажните цени на нафтените дериватите се намалуваат за 0,75 проценти, како резултат на пониската цена на суровата нафта на светските берзи.

Малопродажните цени на Еуродизелот и на Екстра лесното масло за домаќинство се намалуваат за 0,50 денари на литар, а цените на бензините Еуросупер БС-95 и Еуросупер БС-98 остануваат исти, соопшти денеска Регулаторната комисија за енергетика.

Цената на Еуродизелот ќе биде 57,5 денари, а на Екстра лесното масло за домаќинство 46 денари.

Според Комисијата, се намалува и малопродажната цена на мазутот, за 0,473 денари за килограм и изнесува 27,636 денари.

Новите цени ќе се применуваат од 00:01 часот на 20.03.2018 година.