256 новозаразени, 31 починат од Ковид-19 во земјава

Министерството за здравство информира дека во последните 24 часа се направени 2.778 тестирања, а регистрирани се 256 нови случаи на ковид19. Од нив во Скопје – 160 и во Куманово – 32, а во неколку други градови има по едноцифрена бројка новозаразени.

Пријавени се 31 починато лице: девет од Скопје, шест од Гостивар, по три лица од Тетово, Куманово и Струмица, две од Кичево и по едно од Битола, Велес, Гевгелија, Дебар и Македонски Брод. Најмладиот починат е на 18 години од Гевгелија, а меѓу починатите има и на 38, 46 и 49 годишна возраст. Од пријавените 27 се починати во болнички услови и 4 се починати во домашни услови. За истиот период регистрирани сe 545 оздравени пациенти.

Со ова вкупната бројка на ковид дијагностицирани лица во нашата земја од почетокот на епидемијата изнесува 181.875, бројката на оздравени пациенти е 162.060, на починати е 6.184, а бројот на активни случаи изнесува 13.631.