Општина Охрид доби донација од Швајцарија

Специјално возило донација од Швајцарија ставено на располагање на општина Охрид. Посетата на градоначалникот Петрески во Швајцарија резултираше со донација на автоматизирано возило кое за 5-6 дена ќе оперира низ охридските улици.

„Станува збор за возило кое ќе извршува повеќе функции за да се постигне комплетна хигиена во градот. Преку ден ќе ги чисти шахтите а навечер ќе се грижи за хигиената на улиците. Нашите соработници од Швајцарија Цирих, ни помогнаа да дојдеме во контакт со тамошните локални власти и некои други здруженија од кои ја добивме оваа донација“, рече Петрески.

Важно е што ЈП Охридски Комуналец ја доби оваа донација. Со помош на ова возило ќе се мијат и улиците, изјави првиот човек на претпријатието Сашо Алчев. Тој додаде дека екипите за брзо време ќе научат како се применува возилото и ќе се најдат на терен.

Веќе е изготвена комплетната документација за легализација на специјалното возило. Се чека само на царината, која треба да постапи согласно законот за службени возила од странство, рече Зоран Шикалоски.

Ова е прва донација што доаѓа од Швајцарија, но не и единствена рече Петрески. Соработката со оваа држава и понатаму продолжува, на повидок е и збратимување со градот Лугано.

{loadposition content9}