Честитка за 8-ми март од ОО СДСМ Охрид

Честитка по повод Меѓународниот ден на жената 8-ми март од Општинската организација на СДСМ од Охрид.

Во честитката се вели : 

Драги наши охриѓани, 8 Март е симбол на нашата ВЕКОВНА СЕКОЈДНЕВНА борба за родова еднаквост.

Родовата рамноправност е прикажана во најразлични форми и активности во нашето живеење и делување но да се потрудиме тоа да го видат и тие за кои сеуште таа останува невидлива и табу тема.

Жената мајка, сопруга, баба, тетка, жената лекарка, професорка, директорка, пратеничка, жената работничка, земјоделка, домаќинка ЗАСЛУЖУВА ДА БИДЕ ЕДНАКВО ВРЕДНУВАНА и во семејството и на пазарот на трудот.

Денес во чест на овој голем празник кој ја симболизира борбата за родова рамноправност Форумот на жени и ЛК на СДММ при ОО СДСМ Охрид даруваше ружи на жените низ охридската чаршија, подели хуманитарни прехрамбени продукти на жени самохрани мајки и жени од социјални семејства, собра парични средства за помош на жени кои и те како имаат потреба од ваква помош.

Борбата за човековите права и спроведување на барањата на Истанбулската Конвенција продолжува, нека ни е честит 8 Март Меѓународниот ден на женскиот непокор и борбата за рамноправност меѓу жените и мажите во општеството, велат од ОО СДСМ Охрид.