Кривична за охриѓанката која повика да се запалат членовите на „Лев Тахор“

38-годишна охриѓанка која во коментар на социјалните мрежи повика „да се запалат со се хотелот“ припадниците на еврејската верска група „Лев Тахор“, кои се сместени во хотел во охридското село Лакочереј, доби кривична пријава.

Полицајци од СВР Охрид денеска извршија службен разговор со В.С. (38) од охридско, која вчера на социјалната мрежа Фејсбук поставила содржина со која извршила кривично дело „Ширење на расистички и ксенофобичен материјал по пат на компјутерски систем” казниво по член 394-г од КЗ – соопшти МВР.