Музејот на вода вистинска атракција

Заливот на коските, по осум месеци  од отварањето, станува туристичка атракција, со исклучителниот археолошки комплекс, единствен во овој дел од Европа.

Од ден на ден е се попривлечен музејски простор  за голем број туристи, и домашни и странски.
Овој Музеј  на вода, само  пред  стартот на туристичката сезона го посетиле 12 илјади посетители,  и е навистина добра бројка вели задоволно директорот на Завод и Музеј, Тања  Паскали Бунташеска. Музејскиот комплекс е нов и атрактивен,  иако, посетеноста не е ништо помала и во другите музејски простори како што е Самоиловата тврдина нагласува Паскали Бунташеска. Таа додава дека од есен следува втората фаза на негово до уредување со бунгалови и видиковци на Римскиот каструм, доформување на паркингот и капијата, поплочување на плажата и хортикултурно уредување на целиот простор.

Атрактивниот Музеј кој се наоѓа на самиот магистрален пат Охрид-Св.Наум – Поградец, а е во непосредна близина на авто-кампот Градиште, сигурно би привлекол уште повеќе туристи  доколку е соодветно обележан. На патот сеуште нема поставено соодветна информативна табла. Од Завод и Музеј посочуваат дека пропустот е во Македонија пат, таму доставиле нарачка за сигнализиција  уште додека се градел Музејот.

Кога ќе бидат поставени информативните табли, одговор побаравме од Македонија пат.
Од Македонија пат – секција Охрид, велат досега немаат никакави сознанија ни инструкции за поставување на сообраќајната сигнализација.

Не упатија по одговор  во Агенцијата за патишта.
Нашата потрага по одговор ја упативме и до оваа институција. И од таму молк, немаат одговор зошто досега не е изработена информативната табла. Овој комплекс во кој се вложени големи финансиски средства не заслужува и по  8 месеци од неговото отварање да биде без соодветно обележување.

{loadposition content9}